Plantun de Prouvènço

Pèr coumpara dos planto d'encò nostre

Carum carvi & Hieracium pseudocerinthe

Càrvi

Carum carvi

Apiaceae Umbelliferae

Àutri noum : Charui, Charièi, Charuei, Chervi, Cherui.

Noms en français : Carvi, Cumin des prés.

Descripcioun :
Lou càrvi (o charui e si varianto dins lis Aup) es uno fino Apiaceae que trachis dins li prado de mountagno. La cambo èi boutisso, la racino blanco en fusèu e óudouranto, e li fueio primo, dous à tres cop divisado e penado. Li fru de 3 à 4 mm sènton bon lou cumin.

Usanço :
Lou grun (fru) de càrvi èi couneigu pèr èstre un bon sabourun, s'emplego dins d'ùni relarg pèr douna de goust i tian, froumage e aigardènt... Li fueio soun manjadisso, en Savoio n'en fasien de soupo (siècle XIXen) ; au nostre se manjavo li racino. L'òli de grun de càrvi èi bono pèr tout ço que toco la digestioun, majamen contro li doulour de vèntre. Èi bon peréu contro lou tussi e pèr faire veni lou la dins li teté.

Port : Erbo
Taio : 30 à 60 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Carum
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : Vo
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Prado umido - Prado - Camin
Estànci : Mountagnard à Subaupen
Couroulougi : Éurasiatico
Ref. sc. : Carum carvi L., 1753

Esparello(-faus-caulet-de-cabro)

Hieracium pseudocerinthe

Asteraceae Compositae

Nom en français : Épervière faux mélinet.

Descripcioun :
Aquesto esparello trachis en mountagno dins li paret e li roucas. Fai partido dóu group AMPLEXICAULIA qu'an de fueio emé de péu glandoulous e qu'embrasson la cambo. L'esparello-faus-caulet-de-cabro douno d'èr à l'esparello-di-fueio-embrassanto, la mai coumuno dóu group, mai èi pu basso e pu larjo. Li fueio soun quàsi entiero emé de péu dessubre. Li brout soun en pinceloun e li ligulo de flour peludo. Pensa de coumpara emé lis àutris esparello.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 2 à 3 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Planto pegouso
Mai à avoust

Liò : Paret - Roucas
Estànci : Subremediterran à Subaupen
Couroulougi : Mediterranenco-Mountagnouso-Nord-Ouèst
Ref. sc. : Hieracium pseudocerinthe (Gaudin) W.D.J.Koch, 1846

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carum carvi & Hieracium pseudocerinthe

ges

Coumpara Càrvi emé uno autro planto

Coumpara Esparello(-faus-caulet-de-cabro) emé uno autro planto